Per 4 vite, eshte ngjitur ne podiume politike si kandidate per deputete e FRD-se ne Lezhe ne vitin 2013, si shembull i gruas dhe te rese ne Partine Agrare Ambientaliste ne 2016 dhe para pak oresh, ne foltoren e Kuvendit per te percjelle mesazhe ne Parlamentin Rural. Eshte e qarte si drita e diellit qe Gerta, vajza qe mallengjeu me lotet e saj nga foltorja e Parlamentit, eshte perdorur nga politika. Nuk eshte e para dhe nuk do te jete as e fundit. Nuk ka rendesi nese Gerta lexoi, recitoi apo i nxorri nga mendja e saj ato qe tha. Qofte ne Kuvend, qofte si pjese e FRD-se apo edhe si pjese e PAA-se. Absolutisht eshte e drejta e saj dhe askush nuk mund t’ja kontestoje deshiren per tu perfshire ne politike. Por dicka duhet thene, me ze te larte dhe me shkronja te medha: Gerta nuk eshte shembull tipik i nje vajze, i nje te reje, i nje gruaje qe duhet ndjekur! Te pakten, nuk eshte shembulli me i mire i mundshem. Pavaresisht se ka nje diplome te “La Sapienza” te Romes. Ne rreth 4 vite te qendrimit te saj si “fermere” ne krye te fermes se saj me dhi (ne kuptimin e kafshes), ajo tregoi ambicje per te hyre ne politike, por jo nga nje dere e vetme por te pakten 3 dyer te ndryshme. Nese ka perfituar direkt apo indirekt nga politika, kete nuk mund ta them edhe pse ajo vete e pranon se ka punuar ne Ministrine e Jashtme, por pa saktesuar vitet. Gerta eshte e ndjeshme sic jane apo duhet te jene shumica e femrave nga natyra. Mirepo, lotet sikur i rrjedhin me lehtesi, edhe ne podiume politike jo vetem ne rrethana kur cdo femer por edhe mashkull, mund te derdh lot. Nuk guxoj ta quaj aktore sepse atehere rreshtat e ketij shkrimi do te duhej te perfundonin pikerisht ketu… Por nuk eshte normale per nje femer, e cila ne daljen e fundit kerkon te na paraqitet (me shume se nga ajo, nga ata qe i dhane hapesiren mediatike e politike) si nje shembull i mire qe duhet ndjekur. Aq me teper, kur ajo artikulon “mekatet” e politikes pasi ka qene vete disa here ne gjirin e tyre, madje ne nivele te larta deri ne kandidate per deputete.
Gerta doli ne podiumin e politikes pikerisht per te mbeshtetur teorine e “limonit te shtrydhur” po nga politika. Nuk mund te them se ajo eshte perzgjedhur ndoshta edhe nga lehtesia me te cilen prodhon lotet para nje plateje me njerez. Por mbase nisur nga lehtesia e pershtatjes se saj me idete e nje subjekti politik permes loteve qe mallengjejne nje salle. Mbase politika mund te me kishte perzgjedhur edhe mua ne nje rol te ngjashem, edhe pse ata qe me njohin e dine se rubineti i loteve tek une thuajse nuk funksionon. Por te pakten, per hir te atyre personave qe me njohin “si paren e kuqe”, do ja kisha kursyer vetes nje kalvar ne tille. Nese nuk do te kisha asnje perfitim. Sepse ne rastin e kundert, do ta mendoja dy here…si te gjithe ata qe po lexojne keto rreshta. Atehere Gerta nuk do te ishte me viktime e politikes apo “limon i shtrydhur” i saj. Por e zgjuar…si ata qe i sillen politikes rrotull tash 27 vjet. Ne fund, i kerkoj nje ndjese te thelle publike Gertes per te gjitha heret qe i kam permendur emrin. Ne fakt, as une por as ata dhjetra qe mund te kene shkruar kete emer, nuk e kane pasur me individin. Por me shume me fenomenin qe politika serish kerkon te na e imponoje me nje personazh te rradhes. /ShkodraWeb/
