Kush jemi ne

ShkodraWeb është një portal informativ, i cili startoi më 14 korrik 2017. Në galaktikën e portaleve të ngjashme, ShkodraWeb është futur me parimin “E Verteta nuk negociohet”. Portali administrohet direkt ose indirekt nga një numer i kufizuar gazetarësh profesionistë. Tani në këtë kapërcyell të vitit të parë, pohojmë jo pa krenari se rezultatet, falë mbështetjes tuaj të pakursyer, janë impresionuese. Synimi i këtij portali është të rritet dhe të bëhet i pranishëm dhe me peshë në të gjithë hapesirën e internetit. Prioritet i tij janë lajmet nga Shkodra, Shqipëria, Kosova, Maqedonia, Mali i Zi, Europa e Diaspora. Pa u mbushur akoma një vit i plotë, statistika e ShkodraWeb mund ti gjykoni vetë, sigurisht ata që janë të njohur me testimin e faqeve web.

Që në hapat e parë, kemi qënë rigoroz në disa parime, siç është citimi i burimit tëlajmit. Për mundësitë që kemi aktualisht, ne bashkëpunojmë me shumë portale të ngjashme, duke marrë dhe duke na marrë informacion. Në pjesën dërrmuese të postimeve tona, kur nuk kanë qënë lajme të prodhuara nga ne, kemi vendosur burimin e informacionit nga është marrë. Po kështu, me marreveshjen e disa portaleve për të vendosur edhe iperlink, ne e kemi zbatuar dhe do ta zbatojmë aty ku ai është i pranishëm. Të njëjtën gjë kemi kërkuar dhe kërkojmë edhe ne për informacionet që merren nga portali ShkodraWeb.

Politika editoriale e ShkodraWeb ka qënë që në ditën e parë “një hapësirë informative që mund të shfrytëzohet nga të gjithë”. E kemi deklaruar dhe e deklarojmë publikisht se: ShkodraWeb nuk ka as bindje politike, as sociale, as fetare të përcaktuara! Çdokush ka qënë, është e do të jetë i mirëpritur të përcjellë opinionin e tij për çdo gjë që ai e cilëson të rëndësishme. Po ashtu, kemi qenë të hapur për çdo raportim me tekst, foto apo video që ka ardhur në redaksinë tonë, i cili është publikuar me besnikërinë maksimale ndaj origjinalit që ka mbërritur. Këtë linjë do të ruajmë deri në sekondën e fundit që ShkodraWeb do të ekzistojë. Është ky premtimi ynë në përmbyllje të vitit të parë të jetës.

Stafi i ShkodraWeb

Loading…