Ne fakt, nuk do kisha dashur ti kthehesha serish nje teme qe mbase eshte e ezauruar pa u celur akoma mire. Por me terhoqi vemendjen “urgjenca” per gjetjen e detajeve sado te imeta per te krijuar idene e nje imazhi te gabuar te Senida Mesit dhe per me shume, ne konflikt me Edi Ramen, personin qe e zgjidhi si numrin 2 te qeverise qe do nise punen nga shtatori. Vetem pak minuta pasi doli emri i Mesit, shume portale, dashemirese ose jo me qeverine e mazhorancen aktuale, nxituan te germojne per te treguar “racizmin” e zevendeskryeministres se prezantuar nga Rama si dhe, konfliktet “e hershme” ne mes te dyve. Ne rastin e pare u nxorr nga arkivat nje lapsus i paster i Mesit ne lidhje direkte me Vizion+. Ne rastin e dyte, nje shkrim publik i Senides, atehere thjeshte qytetare e Shkodres, ku shprehet shqetesimi per sigurine e jetes. Si nene, eshte i kuptueshem shperthimi i Mesit sidomos pas nje ngjarje te rende- shperthim tritoli ne pallatin e saj. Pavaresisht emrit dhe partise qe perfaqeson, ne momente te tilla njeriu normal mallkon edhe me te afremin e tij, nese ndjen se ka nje fare pergjegjesie. Ndersa ne shkrimin e saj Mesi thjesht tregon se si duhet te jete nje kryeminister, cfare duhet te beje dhe cfare eshte me e rendesishmja, e thekson se po i drejtohet “kryeministrit qe i besova”. Nuk arrij ta kuptoj akoma arsyen e ketij shenjestrimi publik te Senida Mesit. Arsyeja e vetme qe mund te hamendesoj eshte se dikush/disa kishin pritur nje tjeter emer ne ate pozicion. Mirepo, tashme eshte fakt i kryer perzgjedhja e saj si nr. 2 i qeverise se re. Rama nuk ka asnje arsye te terhiqet pas, sic edhe Senida- sic e njohim ne, nuk terhiqet para sfidave as edhe presioneve direkte e indirekte. Dhe cfare eshte me e rendesishmja, mendoni se Edi Rama nuk ka patur dijeni per shkrimin “mekatar” te Mesit?! Besoj se nuk duhet te jemi kaq naive… Fatkeqesisht, Mesi nuk po gjykohet ne performacen e saj si profesioniste e financave dhe as si keshilltare bashkiake prej 2 vitesh ne Shkoder. Madje, nuk po i lihet kohe as te tregoje nese ka aftesi te jete pjese e Ekzekutivit si numri 2 i saj. Ja i sugurte se shume shpejt, do te mesohet edhe arsyeja e ketij sulmi ndaj Mesit. Thuajse po lincohet nje qytetare e Shkodres, nje nene dhe bashkeshorte e sidomos, nje aktiviste e kahershme edhe e Shoqerise Civile. Ju mbase e njihni Seniden tash 2 vite qe eshte ne pozicion publik, por ne Shkoder ajo njihet prej me shume se nje dekade si pjese e nje berthame qe ne qytetin e rajonin tone njihet si Forumi Qytetar.
Per te gjithe kureshtaret, me poshte gjeni shkrimin, i cili i rreshtohet si “mekat” ne marredheniet me kryeministrin Rama nr. 2 te qeverise Senida Mesi.
Ndihesh i sigurt të jetosh në Shqipëri? Unë jo! Mbas shpërthimit me tritol mbrëmë te komshiu i pallatit tim, ndjenjës së pështjelluar (frikë, pasiguri, trishtim) i bashkohet një thirrje për qeverinë: Stop fushatës PR për shou politik që keni ndërmarrë, mjaft me konferencat për shtyp, boll më duke dalë në TV! Nuk dua t’ju shoh si protagonistë televizorësh, as gazetash, nuk dua të dëgjoj më vendime që ky vend bëhet nëse investojmë në rindërtime, zyra pune, doganash etj., apo pjesëmarrje me ‘konkurs’ në Ekzekutiv, apo që keni hartuar plane afatmesme dhe afatgjata. Nuk dua të dëgjoj çdo nëpunës të administratës duke dhënë intervista dhe mbushur programacionin e TV kombëtare dhe lokale, që më shumë se neveri dhe inkompetencë më japin përshtypjen që po i paguajmë për spikerë të rëndomtë që shumica prej tyre nuk di aq shqipen mirë. Dua të ndiej dhe shoh përditë që Kryeministrit që i besova po bën punën, dua të shoh njerëz të qeshur, që nuk mendojnë çdo ditë të ikin nga ky vend, që nuk mendojnë çdo ditë çfarë do hanë darkë. Dua të shoh çdo krimbërës në burg, dua të shoh shkolla të reja dhe të sigurta, dua të shoh spitale që funksionojnë, dua të shoh rend dhe rregull, dhe jo thjesht njerëz që dalin në punë, rrinë në zyra dhe llafosin apo pinë kafe, por s’ia kanë idenë cila është përgjegjësia dhe përshkrimi i punës për të cilën marrin pagën.
