Fati tragjik i nje cifti te moshuarish ne fshatin Rrashkullaj te Njesise Administrative Gruemire ne Bashkine e Malesise se Madhe. Tahir e Laje Kuci, perkatesisht 88 dhe 76 vjec, prej 10 ditesh jetojne ne qiell te hapur, ne nje divan te vjeter, i cili per ta eshte gjithcka. Ne fakt, edhe te thuash tragjike, eshte shume pak. Tashme ata nuk kane as buke, buke thate per te ngrene. Nderkohe, ujin e sigurojne nga nje vend aty ne mes te fushes se hapur. Nuk kane asnje individ, te aferm apo te njohur qe u jep nje ndihme.
Tahiri dhe Laja jane ne meshire te fatit. Shpresojne tek sensibilizimi permes mediave qe te mund te shtyjne edhe keto pak dite qe Zoti mund tu kete lene mbi toke. E keto dite, po i kalojne ne qiell te hapur ne temperatura shume ta larta sot, e neser edhe nen rreshjet e shiut apo te ftohtit. Para 10 diteve atyre u eshte djegur shtepia ku banonin. Flaket u moren cdo gje qe kishin, cdo gje qe kishin mundur te siguronin per te kaluar disi ditet e fundit te jetes mbi kete toke. Asnjeri nuk u kujtua as ti ndihmonte por edhe as ti shpetonte. Zoti ka dashur qe ata te jetonin, por nje jete qe tashme eshte kthyer ne nje kalvar te vertete. Para disa diteve, erdhi nje ambulance, i dergoi deri ne spital per ti rikthyer perseri ne mes te fushes, me pasurine e vetme qe u la zjarri, divanin e vjeter. Sot ata thjeshte jane te gjalle, pa asnje mundesi per te jetuar, pa asnje dore qe u zgjatet, pa nje buke apo nje shishe uje te garantuar.
