Qendra Multifunksionale “Për Familjen” ka organizuar sot “Ditën e hapur”. Ashtu si çdo ditë, ajo ka hapur dyert duke ofruar shërbimet për komunitetin rom dhe jo vetëm. Aktivitetet kanë nisur me shpërndarjen e pakove ushqimore për 13 familje, për të vijuar me një aktivitetet sensibilizues për kancerin e qafës së mitrës me gra dhe vajza të komunitetit Rom.
Vaksinimi i fëmijëve të zonës së “Tophane” është pasuar me shpërndarjen e pakove ushqimore për familjet e fëmijëve që frekuentojnë shkollën. Qendra Multifunksionale “Për Familjen” ofron një gamë të gjërë shërbimesh, nga të cilat përfiton jo vetëm komuniteti Rom por edhe familjet në territorin ku kjo qendër shtrin aktivitetin.