Përbërja e Këshillit Bashkiak të Shkodrës, pritet të ndryshojë në mbledhjen e radhës, e njoftuar zyrtarisht për datën 29 prill 2024, duke nisur nga ora 17:00. Rendi i ditës, të cilin mund ta konsultoni më poshtë, është mjaft i ngarkuar me 17 pika.
Dy pikat e para të redit të ditës, kanë të bëjnë me zëvendësimin e dy anëtarëve të Këshillit Bashkiak, përfaqësues të Partisë Demokratike në këtë këshill.
Anita Amuli dhe Fatmir Vojvoda, pjesë e listës së PD- së zyrtare të paraqitur në zgjedhjet e 14 maj 2023, do të ulen në vendet e mbetura vakant në Këshillin Bashkiak. Pas betimit në hapje të mbledhjes, ata do të jenë zyrtarisht këshilltarë bashkiakë.
Ata do të zëvendësojnë dy anëtarët e dorëhequr, Gjovalin Darragjati dhe Helga Sallaku, të cilët janë larguar në SHBA për arsyet e tyre familjare.
