Të tjera detaje kanë dalë nga sherri mes dy shqiptarëve dhe një kosovari në Itali gjatë 1 ditë më parë.
Shqiptari nga Kosova ka rrëfyer në polici se si rrodhi ngjarja dhe se ai kishte tentuar vetëm ti trembte dy të rinjtë e tjerë po shqiptarë.
“Unë isha në korsinë e emergjencës së bashku me vjehrrën dhe nipin, kisha ndaluar për të parë makinën sepse dyshova për një problem. Aty mu afrua makina me të rinjtë e tjerë dhe nga xhami nisën të shanin. Më pas erdhën dhe më goditën me grushta. Unë mora një palë gërshërë dhe me to i sulmova vetëm për ti trembur”, ka deklaruar shqiptari i Kosovës në polici.
Dëshmia e tij nuk e ka shpëtuar që të lihet i lirë, shkruajnë mediat italiane.
Një ditë më parë u raportua se shqiptari nga Kosova së bashku me një shoqëruesin e tij është përfshirë në një sherr me 3 shqiptarë të tjerë të cilët udhëtonin në një makinë tjetër pas një ndalese në autostradë. Sherri ka degraduar dhe shtetasi nga Kosova ka qëlluar në krahë dhe gjoks me mjete prerëse 2 shqiptarët të cilët ndodhen në spital jashtë rrezikut për jetën./panorama/
