Disa ditë pas shpalljes në kërkim për atentatin ndaj kreut të Policisë Bashkiake të Malësisë së Madhe, Mentor Hasanajt dhe familjes së tij, është vetëdorëzuar autori i dyshuar. Lajmi është bërë i ditur nga burime të policisë lokale.
19- vjeçari i është dorëzuar patrullave të policisë në Velipojë, zonë ku mesa duket është fshehur për disa ditë pas ngjarjes së ndodhur të dielën në afërsi të monumentit të “5 heronjve”.
Siç dihet, Ilirjan Hasanaj akuzohet për plagosjen e Mentor dhe Xhelal Hasanaj. Kujtojmë se dje babai i 19-vjeçarit i bëri thirrje publikisht të birit që të dorëzohej në polici.