Fenomeni perseritet si cdo fundjave. Aksi qe lidh Shkodren me Malin e Zi eshte thuajse totalisht i paralizuar. Rradhe e gjate mjetesh motorike, e shtrire ne disa kilometra. Problemet ne qarkullim fillojne qe nga Zuesi. Ne drejtim te Shkodres, eshte krijuar nje autokolone shume e gjate. Kjo e diele perkon edhe me fundin e muajit korrik, qe shenon fillimin masiv te emigranteve per pushime ne Shkoder e me gjere. Pika e kalimit kufitar te Muriqanit preferohet nga shume emigrante per te hyre me mjetet e tyre ne vendlindje. Nga ana tjeter, jane te shumte shqiptaret qe zgjedhin Ulqinin dhe zona te tjera te Malit te Zi per te kaluar fundjaven. Nje zgjidhje e mundshme eshte zgjerimi me 4 korsi i aksit nga Ura e Bunes ne Muriqan, por tani per tani nuk ka ndonje projekt konkret. Mbetet vetem qe ne te raportojme lajme te tilla dhe qytetaret te ankohen per rradhet e gjata. /ShkodraWeb/