Kush do rikthejë autoritetin e zyrtarit të shtetit?!

Nga Besi Bekteshi

Në takimin e Durrësit me Komisionerin Hahn dhe Kryeministrat e Ballkanit Perendimor – zyrtari më i rëndësishëm i shtetit, po bënte nderet tipikisht shqiptarçe të pritjes?! Përqafimet, rrahja e shpatullave, shoqërimi pak më mbrapa në ecje dhe dashamirësia, janë modele të respektit të shqiptarëve ndaj mikut dhe në përgjithësi një udhëzues ose manual i joni në mikpritje?! Shumë mirë, sepse zyrtari më i rëndësishëm i shtetit shqiptar, duhet ta bëjë këtë nder si mikpritës?! Ne kemi një difekt të madh te zyrtarët në majë të piramidës së shtetit. Ne kemi të ndarë postet e zyrtarit më të lartë dhe atij më të rëndësishëm?! Te ne zyrtari më i lartë është Presidenti i Republikës, që sigurisht nuk është zyrtari më i rëndësishëm – i cili qartësisht është Kryeministri i Shqipërisë. Ai është pikërisht zyrtari që ka mandat të madh politik, në maxhorancë politike dhe fuqi administrative të mëdha?! Pra në momentin që Kryeministri i Shqipërisë bënte nderet e respektit ndaj Kryeministrave të Ballkanit, praktikisht ishte zyrtari më i rëndësishëm që paraqitej në publikun e madh dhe në terrenin mediatik sidomos ndërkombëtar – zyrtari shqiptar me atlete, apo këpucë, i veshur “casual” apo jo, ishte një person i cili qartësisht dhe ceremonialisht me shumë mikpritje, dashamirësi, po respektonte dhe nderonte miqtë?! Ne sot kemi nevojë që figura e zyrtarit shqiptar të rregullohet, të respektohet dhe të mos dyshohet haptas, të mos denigrohet dhe të mos inkriminohet apo paragjykohet ashpërsisht, sikundër ka shkuar për faqe të zezë historia?!Në këto 27-të vite, në saj të drejtimit absurd, të administrimit në lartësi politike dhe profesionale nga injorantë të zyrës dhe rregullave, në saj të politizimit ekstrem, sidomos të zyrave qëndrore nga partitë politike dhe sidomos nga Partia Demokratike në periudhat Berishiane, (por që absolutisht i gjithë spektri këtë punë ka bërë) në saj të mungesës së shkollimit adeguat, në saj të çapaçulëve dhe bastardëve të korruptuar në zyra vëndore – figura e zyrtarit shqiptar, është bërë copë copë dhe kërkon punë dhe mund të madh të ringrihet!Si ka mundësi të mos paragjykohet dhe respektohet një drejtor i lartë i shtetit, kur politika e ka definuar si person që hedh tendera dhe merr në punë njerëzit e partisë, apo miqësisë, apo parave?! Nuk i rregullohet kaq kollaj figura këtij zyrtari të lartë, që ka vula dhe firma të shumta për të hedhur në korrupsion?! Si ka mundësi të mos paragjykohet dhe kritikohet një zyrtar dogane, që me firmat dhe vulat e tij, ka “fitimin për vete, shefat, partinë” por dhe për trafikantët dhe pastaj heqin “zitë e ullirit” njerzit e thjeshtë?! Si mos paragjykohet dhe të ketë figurë të mirë zyrtari – si një drejtor i arsimit? Nuk bën “sens” kjo gjë, dhe pse mund të jetë e pa drejtë?! Po kështu janë vendosur mësueset në punë, urdhëri politik, rryshfeti, padrejtësia në emërime, janë karakteristika të drejtorit të drejtorisë arsimore?! Kohët e fundit, ka përpjekje të mëdha, por akoma ka plot fjalë të mëdha dhe asnjë pikë besimi te ky post i zyrtarit të shtetit! Po ashtu inspektori dhe e gjithë “ushtria” e nëpunësave të ministrive?! Po Sekretarët e Përgjithëshëm? Po
ato janë si thotë dikush “mafia e ministrive”, sepse aty përplasen të gjitha lëvizjet fondet dhe firmat e beneficeve?! Hahaha – më pak zëvministrat, që nuk i pyet kush as “për lash dhe as balash” se janë pa firma dhe vula?! Pra zëvministrat, janë fytyra e mirë dhe ndershme e nëpunësit të lartë shqiptar! Nëpunësit e vegjël të zyrave qëndrore pastaj – njerzit që dikush i quante paturpësisht “minj zyrash” por që në fakt, janë ato të gjorë që mbajnë shtetin në këmbë?! Janë të detyruar të servilosen, të dëgjojnë profkat e drejtorëve, marrëzitë e ministrave që vijnë e ikin, budallallëqet e tyre në fillim dhe të durojnë korrupsionin e tyre deri në fund?! Jetojnë me frikën që ajo rroga e vogël mund tju ikë nga kapriçot e pushtetit dhe marrëzitë klienteliste të individëve sipër, të cilët sa fundosen në kolltukun e zyrës e dinë për të – shtëpisë?! As këto nuk mund të respektohen dhe kanë figurë ashpërsisht të paragjykuar dhe prishur në kohë! Pastaj nëpunësit bashkive dhe sidomos ato periferike?! Aty pastaj ka një “shemencë burrokratike” të jashtëzakonshme?! Paaftësia dhe mungesa e shkollimit adeguat, mos njohja e rregullave dhe përdorimi i zyrës si mejhane – i ngjan pothuaj viteve 1920-1930?! Frika e madhe e nëpunësit apozyrtarit shqiptar që do ta largojnë nga posti drejtues, sepse të gjithë postet drejtues janë të partisë – ka sjellë anormalitetin dhe informalitetin burrokratik në punën e zyrave të shtetit shqiptar?! Përpjekjet e sotme për ta larguar këtë gjë janë për tu duartrokitur, por kam frikë se duhet shumë kohë, jashtëzakonisht shumë?! Tentativa për të sjellë të rinj për të zëvëndësuar të vjetrit e partive apo servilizmit në kohëra – ka sjellë rrumpallosjen akute të sistemit në drejtim, sidomos nga mosdijenia e sjelljes burrokratike dhe rregullave të zyrës?! Është bërë një hap i mirë për komunikimin online – por tashmë ja kanë gjetur mënyrën e komunikimit “offline” dhe as që ju bën “syri tërr” sepse e kanë zakon përdorimin e arrogancës, kur fitojnë siguri apo kanë mbështetje të fortë sipër! Ka mundësi që Ministrave tju largohet “tenderi”?! Kjo do të ishte një nga “mirësitë” që Kryeministri do ti bënte sistemit?! E kam të qartë se sistemi i ri që do të ndërtohet do të ketë “vrimat e tij” por është turp i madh që akoma e sot, ministrat merren me tendera, rropaten për tenderat, merren vetëm e ekskluzivikisht me tenderat dhe pastaj – ja bëjnë “naftën ministrisë, punës, njerzve, partisë, sistemit dhe kush tju dal përpara”?! Nuk do të ulem ke arsimitari dhe pedagogu, as të polici, mjeku, infermieri dhe te specialistët e vegjël në pushtetetsi qëndrore dhe ato vëndore?! Janë dhjetra drejtori në bashkitë e vëndit, që rrezatojnë si në linjën shtetërore dhe vëndore paaftësi, dhe folklorizëm të mbështjellë me korrupsion të hapur dhe shpesh herë – budalla! Një pjesë vendosen vetëm për të marrë ( futur dorën në xhep shtetit dhe njerzve) e as që kanë ndonjë ide tjetër për zyrën e shtetit?! E fundit – si mund të kesh besim te zyrtari kaq shumë, kur atij i mungon gjithmonë letra, boja, kanceleritë, nafta, makina, uniforma aty ku është e detyruar, i mungon mobiliteti, i mungojnë aftësitë profesionale dhe mundësitë teknike, kancelerike e taktike?! Në këtë mënyrë, figura e zyrtarit të shtetit është pikërisht copë copë?! E më vjen keq, jashtëzakonisht keq?! Kjo figurë duhet të rimëkëmbet?! Duhet rikthyer dinjiteti dhe respekti për figurën e zyrtarit të shtetit?! Kush mund ta bëjë këtë gjë?! Edi Rama? Sigurisht ai ka meritën e madhe që ja ka nxjerrë “by..en” jashtë qartësisht dhe pa teklif, sistemeve tona burrokratike dhe idiote në drejtim: Kjo gjë
duhej kryer, sepse kjo shoqëri e ka të gabuar akoma konceptin mbi burroktracinë?! Ajo kujton akoma se “burrokrat-i” është një njeri i keq që ka zyrë?! Në fakt burrokracia është ajo që mban shtetin në këmbë! Drejtimet si shëmbuj nga Meksi, Berisha, Nano në kohështrirje të mëdha, janë absolutisht për tu larguar?! Nuk është për tu goditur ashpër akoma qeverisja e Ramës, por propozimet që bën për administratën – janë një dallim esencial me të kaluarën sigurisht po u përfunduan si reforma?! Përndryshe zyrtari i shtetit do të mbetet gjithmonë “sherrbudallai” i zyrës së shteteti shqiptar! E “sherr budallai” është i prirur të jetojë mirë vete, të mbikalojë, mbijetojë, por kurrë të punojë në zyrë me ndershmëri dhe profesionalizëm! Pastaj – Vetingu, ai sigurisht duhet të kap, të evidentojë dhe dërguar në burg, zyrtarë që i kanë bërë keq njerzve dhe shtetit. Patjetër që ky moment duhet të jetë parësor dhe mbetet të presim këto ditë dhe muaj në vijim.