Zjarri që përfshiu sot Malësinë e Madhe u vu nën kontroll falë ndërhyrjes së helikopterëve Vivia. Në një lidhje telefonike për Ora News, kryetari i bashkisë Malësi e Madhe Tonin Marinaj tha se policia ka ndaluar disa persona që dyshohet se mund t’i kënë vënë zjarrin zonës.
“Aktualisht situata është nën kontroll, situata ka qenë e rëndë, por ndihma ishte konkrete dhe e madhe. Kërkuam ndihmë nga Tirana, erdhi dhe helikopteri dhe situata është normalizuar. Ka pasur 6 vatra zjarri dhe 4 kanë qenë në njësinë administrative Kastrat dhe një në Koplik, Falë organizimit të strukturave cdo gjë është normalizuar, nuk është djegur asnjë banesë. Unë mund t’i quaj të qëllimshme ku edhe policia ka ndaluar disa persona që dyshohet se mund ti kenë vendosur këto zjarre”, u shpreh ai.
Marinaj tha se disa zona ishin më problematike, ku zjarri iu afruar edhe banesave, por fal ndërhyrjes së helikopterëve Viva dhe forcave të Emergjencave Civile situata u vu në kontroll.
“Zonat më problematike ka qenë zona e Gashajve, e Vukpalajve dhe zona e Hotit që zjarri është afruar pranë banesave, por falë punës së zjarrfikësve është eviduar gjithçka. Roli i helikoperëve Vivia ka qënë i rëndësishëm, drejtoria e Emergjencave na është përgjigjur me korektesë”.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!
