Ambasada Amerikane zbulon misionin e senatoreve ne Tirane

Ambasada Amerikane me nje postim ne Facebook-un e vet ka zbardhur viziten e senatoreve ne Tirane. Ne njoftimin thuhet: “Një delegacion me katër senatorë nga Shtetet e Bashkuara të Amerikës vizitoi sot Shqipërinë për të biseduar mbi partneritetin ndërmjet Shteteve të Bashkuara dhe Shqipërisë, si dhe çështjet e bashkëpunimit për sigurinë, mbrojtjen dhe luftën ndaj terrorizmit. Senatorët Blunt, Cornyn, Cotton, dhe Tillis u takuan me Presidentin Ilir Meta, zyrtarë të Qeverisë, dhe drejtues të Partisë Demokratike, për të nënvizuar rëndësinë e rolit të Shqipërisë në stabilitetin rajonal, përpjekjet për të luftuar terrorizmin, dhe rëndësinë e zbatimit të reformave kryesore, përfshirë reformën në drejtësi”, perfundon njoftimi, i cili shoqerohet me nje foto te senatoreve para hyrjes kryesore te Ambasades Amerikane ne Tirane. /ShkodraWeb/