A eshte vetem Velipoja…?

Nga Blerti DELIJA

Lexova dhe degjova te lexuar nje shkrim per plazhin e Velipojes. Si natyre, jam tip kundershtues. Ata qe me njohin, mund ta konfirmojne. Ne rastin e ketij shkrimi, ka pak ose aspak per te kundershtuar. Ka thuajse 7 vjet qe nuk frekuentoj Velipojen si plazh. Me heret, 15- diteshi ka qene gjithmone ne kete plazh jo vetem nga afersia gjeografike me Shkodren ku jetoj, jo vetem si lokalist, por edhe per ujin e reren. Keto te fundit, vijojne te mbeten me te mirat sipas agjensive shqiptare te monitorimit.
Mirepo prej vitesh, Velipoja nuk eshte me nje plazh per te gjithe. Sepse ne Shkoder, Veri, Shqiperi e hapesiren ku jetojne shqiptaret, nuk ka vetem zengjine. Kur im bir ishte i vogel, une merrja nje cader dhe e vendosja diku i shmangur nga qendra e zhurmshme. Sot nga njeri cep ne tjetrin, hapesira publike matet me centimeter katror. Para disa diteve publikuam ne ShkodraWeb nje status te Rrik Ndocit, shoqeruar me nje foto ku ne afersi te Pedonales po ushqehej qete- qete nje lope. Nuk kam asgje ndaj mbajtjes se lopeve, por jo te lihen te kullosin ne afersi te reres se plazhit, 10 meter larg nga pushuesit.
Ujin e Velipojes asnjehere nuk e kam perdorur per ta pire, madje as per te gatuar. Ndersa kam te ngulitur ne mendje nje grope septike ne nje cep te oborrit te viles ku banoja si pushues, te cilen pronari e pastronte here pas here. Plazhi eshte nje periudhe edhe per tu clodhur, por Veiipoja se c’ka nje zhurme me te madhe se disa plazhe, ato pak plazhe qe mund te kem frekuentuar. Pa me te voglin dyshim, ka ndotje akustike te larte, sipas meje te pakten. Vit pas viti Velipoja po pret perhere e me pak shkodrane e perhere e me shumr nga trevat shqipfolese si Kosova.
Duke hedhur shikimin pertej Velipojes, a eshte e njejte apo e ngjashme situata ne plazhe te tjera? Une jam prej pak ditesh ne Shengjin, ne nje pjese si me te rezervuar, me te vecuar nga qendra e zhurmshme. Mund te filloj te listoj te njejtat probleme si Velipoja. Miq te mije me thone te njejten gje per Durresin, Kavajen apo Jugun e vendit. Ne nje vend te vogel me nje vije bregdetare gjigante si e Shqiperise, turizmi detar apo plazhi po kthehet paradiksalisht ne luks per te mos thene “molle e ndalueme”. Por natyrisht, syte tane shohin Shkodren me shume dhe me shpejt se qytetet e tjera.
Nese Bashkia e Shkodres apo te tjera kane “lajthitur” apo jane perfshire ne korrupsion duke mbyllur sy e veshe, po qeveria cfare ben? Prej disa vitesh ka nje Agjensi te Bregdetit, e cila mori shume persiper por duket se nuk po ben asgje. As per problemet qe listova me siper. Nuk po zgjatem me shume, por po e ilustroj kete tekst me nje foto te sapo shkrepur ne Shengjin. /ShkodraWeb/