Zyrtari i lartë i Policisë: Kemi dosjet për 4 klanet kriminale që përmendi Ambasadori Lu

Drejtuesi Madhor i Policisë, Niko Brahimaj pranoi sot se strukturat policore kanë informacion për katër klanet dhe 20 grupet kriminale që përmendi ambasadori amerikan, Donald Lu.

Duke folur në emisionin “Top Story” në Top Channel ai u shpreh se “Policia ka dosje të këtyre karaktereve. Nuk mund të jap më shumë detaje. Në shumë nga këto dosje ka product të mirë për tia dhënë prokurorisë së krimeve të rënda”.

Ka lidhje aktiviteti criminal me kanabisin dhe trafikun e drogës?

Aktiviteti i shtuar, ngjarjet kriminale, një pjesë kanë lidhje me kanabisin.

Ambasadori amerikan tha se ka zero arrestime…

Nuk marr përsipër të komentoj deklaratën e ambasadorit të SHBA. Brenda kësaj deklarate mund të jenë të gjitha të vërteta. Por strukturat e policisë së shtetit mund të reflektojnë.

***

Audi përplasi makinën e zv/drejtorit të policisë, flet drejtori i FLO-së: Kemi dalë në konkluzionin që policia veproi…

Drejtori i FLO-së Niko Brahimaj i ftuuar në ‘Top Story” e ka cilësuar si veprim të duhur reagimin e forcave të policisë natën e përplasjes së makinës së  zv/drejtorit të policisë në Elbasan nga një ‘Audi’ i blinduar.

“Në diskutim edhe me drejtoritë e tjera, qoftë me të Shërbimit të Kontrollit të Brendëshëm, qoftë të Drejtorisë së standardeve, qoftë me drejtorinë vendore në Elbasan kemi arritur në konkluzionin që janë veprimet tona janë tërësisht ato që duhet të kryej policia në një orë të vonë.”/panorama/