Burime të besueshme në Policinë e Shkodrës bëjnë me dije se eshte arritur zbardhja e grabitjes së argjendarisë “Dragusha” në Shkodër para disa ditëve. Burimet që folën për ShkodraWeb thonë se tanimë ka edhe të ndaluar të dyshuar, konkretisht shtetasit Françesk Vukaj dhe Iraldo Filipi nga Rrenci i Ri. Mësohet se për identifikimin e grabitësve, janë përdorur pamjet e kamerave të sigurisë në zonën ku u krye grabitja, por edhe metoda speciale hetimore.
Argjendaria në fjalë, mjaft e njohur në Shkodër u grabit duke përdorur një mjet, i cili goditi pjesën ballore të saj. Grabitësit kanë marrë një sasi bizhuterish ari me vlerë monetare rreth 5 milion lekë, ndërsa kanë përdorur një veturë të vjedhur për të kryer aktin e tyre.
