Rreth orës 16.30 të rinjë e të reja të Shkodrës, i janë përgjigjur thirrjes për tu tubuar para ndertesës së Bashkisë. Ka qenë një organizim kryesisht përmes rrjeteve sociale, për të treguar pozicionimin e qartë dhe të vendosur kundër dhúnès së çdo lloji në shoqërinë shqiptare. Thirrjes i janë përgjigjur edhe qytetarë, burra e gra të moshave të mesme dhe të moshuar.
Fillimisht, oratorë të ndryshëm, të gjithë të rinj, i kanë bërë thirrje bashkëqytetarëve të distancohen nga çdo lloj dhúnè, ndaj grave, fëmijëve, vajzave etj. Duke mbajtur pankarta në duar, ata kanë bërë thirrje të forta duke kërkuar të sensibilizojnë qytetarët shkodranë. Të rinjtë kanë kërkuar të terheqin vemendjen, duke kërkuar ti jepet fund indiferencës ndaj këtij fenomeni shqetësues për Shqipërinë.
Më pas, të gjithë bashkë, në formë procesioni ata kanë marshuar në Pedonalen “Kol Idromeno”, duke hedhur thirrje me megafon e duke kërkuar reagimin e shoqërisë shqiptare kundër fenomenit të dhúnès. Në disa raste, ata u kanë kërkuar qytetarëve sehirxhinjë të ngrihen nga kafenetë dhe të bashkojnë zërin e tyre me atë të të rinjve protestues. Tubimi i sotëm, i organizuar përmes rrjeteve sociale, është shenjë e mirë se akoma ka forcë për të reaguar për kauza të rëndësishme në shoqërinë shqiptare. /ShkodraWeb Media/