Dita e djeshme ka qenë një ditë me paqendrueshmëri moti në rajonin e Shkodrës. Gjatë ditës ka patur reshje por edhe kthjellime. Në orët e para të ditës së sotme, është rkthyer edhe një fenomen i radhë atmosferik, siç është breshëri. Rreth orës 02.00 të mëngjesit të sotëm, kanë nisur reshje të forta shiu dhe breshëri, të cilat kanë sjellë në pak minuta edhe “zbardhjen” e rrugëve të qytetit.
Në pamjet e siguruara nga fotografi Ardit Bajrami, shihet qartë situata e krijuar pak minuta pas ndalimit të reshjeve. Intensiteti i lartë i reshjeve, të shoqëruara edhe me vetëtima e bubullima, kanë rikthyer në vëmendje stinën e dimrit edhe pse jemi në pranverë. Por ashtu sç ndodh përgjithësisht në këtë stinë, moti i keq zgjat pak. Dita e sotme në Shkodër është një ditë me diell, nuk ka pasoja të dukshme, ndërsa situatën e orëve të para të mëngjesit, mund ta shikoni në videon më poshtë.
Në disa rrugë të qytetit, trotuaret kanë gdhirë të zbardhur nga breshëri. në Pamje të parë, të kujtojnë pamjet e borës në rrugët e Shkodrës gjatë stinës së dimrit. Sipas informacioneve të para, breshëri ka shkatuar dëme të konsiderueshme edhe në kulturat bujqësore. Në trotuaret e qytetit, shihen gjethe pemësh të rëna përtokë, si pasjë e forcës dhe madhësisë së breshërit. Fenomeni i mëngjesit të sotëm, nuk mbahet mend në Shkodër asnjëherë.