Duket sikur Anglia është kthyer në atdheun e dytë të kuksianëve. Ata tentojnë në çdo mënyrë e me çdo mjet që kanë, ndonjëherë duke rrezikuar seriozisht edhe jetën, për të mbërritur në Londër apo në qytete të tjera të Mbretërisë së Bashkuar. Nga brenda një kamioni që ka marrë rrugën për në Londër vijnë pamjet e fundit për JOQ.al. Në to tregohet se si e shtyjnë rrugën nga Franca për në Angli këta djem të rinj. Me sa duket, nuk është se janë duke sakrifikuar shumë, duke qenë se kamioni është i mbushur me pije alkoolike dhe vegla hidraulike. Me transportuesin kanë mbaruar punë prej kohësh. I kanë dhënë paundët që u kanë kërkuar dhe vetëm presin të mbërrijnë shëndoshë e mirë në Londër, ku janë me shpresën se një e ardhme më e begatë se ajo në Shqipëri i pret.
