Sauthempton synon të vazhdojë rezultatet pozitive në Premier Ligë, por përballë kishte një kundërshtar të vështirë si Brentford. Kjo ndeshje pritej të ishte emocionuese. Brentford deri më tani ka grumbulluar 23 pikë, ndërsa Sauthempon me 2 pikë më pak.
Armando Broja tashm është kthyer tashmë në titullar të padiskutueshëm dhe ka udhëhequr sulmin në ndeshjen e sotme. Loja e “shqiponjës” kuqezi ka qenë fantastike, një protagonist i padiskutueshëm.
Vazhdimisht ka krijuar probleme në mbrojtjen kundërshtare, por “qershia mbi tortë” ishte goli i shënuar nga Broja. Pas një topi të marrë pak mbi rrethin e mesfushës nga krahu i majtë, ka qenë i paarritshëm nga mbrojtja kundërshtare.
Topi është ndalur vetëm në rrjetë, pasi është goditur nga Broja. Ishte minuta e 49- të dhe “shqiponja” kuqezi shënoi golin e tretë për ekipin e tij Sauthempton. Forma fantastike e Brojës, është një sinjal i fortë edhe për Kombëtaren dhe trajnerin Reja, ku tashmë ka dhënë prova se duhet të jetë titullar në sulm.