“Do doja rikthimin e një lojtari tek Vllaznia…”, Erdenis Gurishta: 8 pikë janë të rikuperueshme në Superiore

Një nga lojtarët më të mirë të Vllaznisë është Erdenis Gurishta. Ai ka dhënë një intervistë për Fax News, ku ka folur për tema të ndryshme. 26 vjeçari shprehet se diferenca prej 8 pikësh me kreun është e rikuperueshme.

Sa i përket merkatos, thotë se duhet afruar një mesfushor. I pyetur për një lojtar që do donte ta shikonte në Shkodër, përmendet emri i një ish-i si Herald Marku, i cili aktualisht luan te Partizani. Gurishta u tregua i sinqertë kur pohoi se Tirana është ekipi më i fortë.


“Unë e kam thënë shumë herë që kjo Vllaznia ka më shumë lojtar cilësorë se në vitin e kaluar. Nuk kemi patur fat, pasi kemi marrë shumë barazime. 8 pikë janë të rikuperueshme.

Merkato- Është e vështirë që të gjesh lojtarë në janar. Vetëm po të jetë ndonjë lojtar që i përfundon kontrata në janar, kjo është shumë e vështirë. Më këtë çështje po merret drejtori dhe klubi.

Një emër që dua në ekip– Nuk është problemi te një emër, por unë mendoj se kemi nevojë për një mesfushor qëndre. Do sugjeroja Herald Markun. Ai ka kontratë me Partizanin. Vjet kemi qënë shumë të fortë me ta. Heraldi është fantastik.

E ardhmja- Mund të kem oferta dhe bisedime, por kanë qënë deri në një pikë të caktuar. Jam i fokusuar te Vllaznia. Unë dua të kaloj në një kampionat më të fortë. Për në Shqipëri jam shumë mirë.

Rivali- Rënditja aktuale është rënditja e vërtetë. Tirana është skuadra më e fortë. Ne jemi ekipi që bëjmë futbollin më të bukur. Skuadra më hileqare? Kastrioti vonon shumë lojën” – tha ai.

Vllaznia renditet në vendin e katërt me 25 pikë të grumbulluara. Synimi është titulli kampion, me grupin që e premton këtë gjë.