Nga Ramazan Ceka
Kengetari i mirenjohur Bujar Qamili, ka filluar jetën artistike në vitin 1975-1976 me Klubin e Rinisë Shkodër. Në vitin 1979 merr pjesë në evenimentin më të rëndësishëm artistik të vitit në Festivalin e 19-të të këngës në RTSH. Në vitin 1980 aktivizohet në radhët e Estradës Profesioniste të qytetit të Shkodrës ku merr pjesë si një këngëtar kryesor nga viti 1980 deri në vitin 1992. Nga viti 1980 deri në vitin 1990 merr pjesë në tre Festivale të Këngës Popullore Qytetare Shkodrane dhe është vlerësuar me çmimin e parë, të dytë dhe të tretë. Në vitin 1984 vlerësohet si interpretuesi më i mirë i Këngës Popullore, koncerti i organizuar nga RTSH. Bujar Qamili ka dhënë gjashtë Koncerte Recitale: tre Koncerte Recitale në Shkodër në vitin 1984, 1986, 1988; një Koncert Recital me Ansamblin e Këngëve dhe Valleve Popullore; Dy Koncerte Recitale në Pallatin e Kongreseve; Një Koncert Recital 2001 “Bujar Qamili Show” si dhe një Koncert Recital 2005 “Njëri qan, tjetri gëzohet”.
Në vitin 1987 në koncertin “Mbrëmje e Muzikës Popullore” organizuar nga RTSH është vlerësuar me çmimin e Dytë. Në vitin 1996 është vlerësuar me çmimin e Parë në Festivalin mbarë Kombëtar të Këngës Popullore organizuar në Elbasan. Në vitin 1997-1998 në Spektaklin Televiziv “12 në Holliwood” ka marrë Çmimin e Tretë. Në vitin 1998 është fitues i Diskut të Artë organizuar nga Agjensitë e Spektakleve Televizive. Në vitin 2001 është fitues i Çmimit të Parë në Koncertin e Madh në MARATONA E KËNGËS POPULLORE SHQIPTARE. Kengetari Bujar Qamili merr pjesë në tre spektakle që organizon RTSH: Shtatë million për Pesë Shtete, Evropa 91-92, 12 Vallëzime pa një të shtunë. Bujari ka qene i pranishem me turnete e tij ne te gjitha vendet ku ka shqiptare si Siri, Turqi, Norvegji, Danimarkë, Suedi, Itali, Greqi, Gjermani, Francë, Austri, Angli, Zvicër, Slloveni, Kroaci, Belgjikë, New York, New Jersey, Filadelfia, Boston, Chicago, Ohajo, Detroit, Las Vegas, Brizban, Adelajde, Melburn, Sidney si dhe në të gjtha qytetet shqiptare, në Mal të Zi, Maqedoni dhe në Kosovë. Në vitin 2004 shpallet nga FOLK UNIVERS më i votuari duke fituar ÇMIMIN E PUBLIKUT. Në vitin 2005 UNIONI ARTISTIK I KOMBIT SHQIPTAR i jep titullin “NDERI I UNIONIT”. Në vitin 2005 shpallet si “Dhjetë këngëtarët më të mirë të vitit”. Në vitin 2001 Presidenti i Republikësa i akordon Urdhërin e Lartë “NAIM FRASHËRI I ARTË”. Në vitin 2007 vlerësohet si këngëtari më i mirë i Festivalit Folklorik-Tipologjik Kombëtar. Në vitin 2010 Presidenti i Republikës i akordon Titullin e Lartë “MJESHTËR I MADH”. Në vitin 2011 e shohim si përfaqësues i Këngës Popullore Qytetare Shkodrane tek “100 këngët e Shekullit”. Në vitin 2012 Këshilli Bashkiak i qytetit të Shkodrës i jep titullin e Lartë “MIRËNJOHJE E QYTETIT”. Në vitin 2013 në Prishtinë, në Festivalin “Zhurma Show” merr Çmimin e Parë. Në vitin 2013 Koncert Recital në Pallatin e Kongreseve “AROMË SHKODRE”, me pjesëmarrjen e 2500 spektatorëve. Në vitin 2013 në Prishtinë, në Festivalin “Zhurma Show” merr Çmimin e Parë. Në vitin 2015 Koncert Bamirësie në Lecco të Italisë, për një fëmijë të sëmurë 6-vjeçarë, ku gjitha të ardhurat i kaluan familjes së fëmijës. Në vitin 2016 Koncert Recital Bamirësie në Teatrin “Migjeni” ku të ardhurat e këtij koncerti kaluan të gjitha për Shtëpinë e Fëmijës “Persa Grabova” Shkodër.
Kjo është jeta artistike e Bujar Qamilit prej 40 vitesh në skenë dhe ekran, ku me zërin e tij ka mundur të çoje tek artëdashësit këngën popullore shqiptare e në veçanti atë shkodrane, ku vazhdon të ketë një aktivitet shumë intensiv në vazhdimësi.
