VIDEO – “Gjendja e Meritës është e mirë”, Meta viziton tek “Trauma” vajzën që i mbijetoi shpërthimit të gazit…

Presidenti i Republikës, Ilir Meta, vizitoi, këtë mbrëmje, vajzën e mitur të familjes Tola nga Bulqiza, e cila ndodhet në gjendje të rëndë në Spitalin e Traumës.


“Për fat të mirë gjendja e Meritës, vajzës nga Bulqiza, është e mirë dhe e qëndrueshme dhe mjekët po bëjnë një punë të mirë për ta mbajtur jashtë rrezikut. Ka ndodhur një dramë shumë e madhe në familjen e saj. Shpreh ngushëllime për gjithë familjen Tola, i siguroj që do jem gjithmonë pranë tyre për të kaluar këtë dhimbje të jashtëzakonshme”, tha Meta.

Merita Tola është e vetmja që mbijetoi, pas tragjedisë në familjen Tola, në Ostren të Bulqizës, ku nga rrjedhja e gazit humbën jetën nëna me dy fëmijët adoleshentë, Rudinën dhe Fatjonin.

LEXONI EDHE: VIDEO – Dhimbje e papërshkrueshme në familjen që humbi tre pjestarë, 22 vjeçarja në shtator do të kurorëzonte…