VIDEO – “Fermerët po përdoren politikisht”, subvencionimi i naftës, Pjerin Spathari i përgjigjet akuzave të deputetëve të PD

Fermerët e bashkisë Vau Dejës protestuan sërish këtë radhë pranë drejtorisë rajonale të bujqësisë në Shkodër për shkak se nuk kanë përfituar nga skema e subvencioneve të naftës. Kësaj proteste iu bashkuan edhe deputetët e PD të qarkut Shkodër Zef Hila, Greta Bardeli dhe Emilia Koliqi. Deputeti Hila akuzoi se nafta është shpërndarë në mënyrë abuzive ndërsa i bëri thirrje prokurorisë që të hetojë.

Ndërkohë deputetja e PD Emilia Koliqi tha se si është e mundur që nga 7 mijë fermer të qarkut Shkodër kanë aplikuar jo më shumë se afro 2200 fermerë dhe shumë prej tyre janë skualifikuar.

Nuk ka vonuar reagimi nga titullari i Agjensisë Rajonale të Ekstensionit Bujqësor Shkodër Pjerin Spathari. Në një deklaratë të shpërndarë për mediat, ai thotë se deputetët e PD- së u futën pa pyetur në këto zyra.

Në vijim, ai ka hedhur poshtë të gjitha akuzat e hedhura për subvencionimin e munguar të naftës për fermerët, duke u përpjekur të japë edhe shifra të asaj çfarë është arritur deri tani. Spathari ka thënë se fermerët po shfrytozohen politikisht.