NGA BLEDIAN KOKA – “Riedukimi” i Klevi Mukës, një lajm i mirë…!

Në vitin 2002, Edi Rama sulmoi asokohe gazetaren e Shijak TV Ornela Joti për një pyetje mbi fondet e kumbullave milioneshe duke e akuzuar se ajo po bënte “prostitucion mediatik”. Mjaftoi një pyeteje e thjeshtë për të shfazuar më tej të shfazuarin.

Ishte e hera e parë që një politikan guxoi të sulmonte ashpër një gazetare (e shkëlqyer si Ornela) vetëm sepse ajo i doli nga skenari. Elja Zotka nga viti 2006 deri në vitin 2013 mori si përgjigje për çdo pyetje të saj ndaj Edi Ramës vetëm përgjgjen “Te fala Sandrit”.

Mbas 2013- ës Sandri mori “të falat” dhe Elja më në fund përgjigje për pyetjet e saj. Raporti i despotit me mediat është ndërtuar në mënyrë të tillë që milionat për pronaret të intimidonin gazetarët.

Në vitin 2018, Ambrozia Meta vendosi një model të ri raporti pyetjesh gazetar- kryeministër. U desh Ambrozia që të rikthente pyetje gazetareske derisa ajo e pagoi pak muaj më parë me 3 muaj “riedukim”.

Sot ishte rradha e Klevi Mukës të futet në “riedukim”. Unë nuk mendoj që viktimizimi “shiko se çfarë bën Rama me gazetarët” është zgjidhje. Ajo që më pëlqen është që gazetarët përballë kryeministrit e kanë kuptuar që vetëm kjo është mënyra sesi i do mushka drutë.

Sepse për 5 minuta lavdia është e gjitha e tyrja, ndërsa dështimi përballë zullumit i gjithi i kryeministrit! Çdo ditë e më shumë gazetarët që dalin përballë Edi Ramës janë bërë si muri i gomës që sa më shumë i godet Rama, aq më shumë ata e kthejnë goditjen mbrapsht. Me këtë ritëm muri i gomës do reagojë aq fort sa cekimi që godet do i bjerë kokës atij që e gjuan.

P.S. ..Kështu që, urime Klevi për “Riedukimin”…ky është një lajm i mirë! /Nga Bledian KOKA, publikuar në Facebook/