Edhe pak orë dhe besimtarët e krishterë në mbarë globin, festojnë lindjen e Krishtit, shpëtimtarit të botës. Janë të shumta urimet që shkëmbejnë me njëri- tjetrin por edhe me publikun qytetarë por edhe klerikë të lartë.
Në vigjilje të Krishtlindjes, Dom Gjergj Meta, ipeshkëv i Dioqezës së Rreshenit, ka drejtuar mesazhin e tij tek një kategori e caktuar, grave dhe vajzave që shpesh janë viktima të dhunës.
“Një mesazh urimi për këtë Krishtlindje dedikuar grave dhe vajzave që shpesh janë viktima të dhunës dhe abuzimeve të ndryshme! Përshumot Krishtlindja e paçi sa më shumë buzëqeshje e gëzim!”, shkruan Dom Gjergj Meta.
Mesazhin e tij, ipeshkvi i Rrëshenit e ka kthyer në një video, ilustruar me pamje nga angazhimi i tij i përditshëm, gjithmonë duke patur në fokus gratë dhe vajzat.