Me kalimin e orëve dhe thellimin e hetimeve, detaje të reja dalin nga aksidenti fatal, ku humbi jetën një 26 vjeçar në aksin Fushë Krujë – Kurbin. Mësohet se makina tip “Audi” nuk i është ndaluar patrullës së policisë, duke ikur me shpejtësi. Nisur nga ky fakt, uniformat blu janë alarmuar.
Policia iu vu në ndjekje makinës ku udhëtonin dy të rinjtë. Nga shpejtësia e lartë dhe situata e tensionuar pët shkak të ndjekjes nga policia, shoferi i makinës ka humbur kontrollin duke u përplasur me bordurën e rrugës. Gjatë kontrollit të mjetit, policia gjeti doreza dhe maska.
Po ashtu, rezulton se makina ka patur të mbivendosur një targë tjetër. Të gjitha këto indicie dhe prova, bëjnë që policia të ketë dyshime të forta se dy personat që udhëtonin me “Audi”, do të kryenin ndonjë vepër penale të rëndë si grabitja apo atentati. /ShkodraWeb Media/
