Ujesjelles- Kanalizime Shkoder njofton se gjatë ditës së sotme grupet Task- force në bashkëpunim me Policinë e Shtetit kanë ushtruar një kontroll në fshatin turistik Theth Njësia Administrative Shalë. Aksioni u ndërmor pas disa ankesave nga banorët atje se persona të papërgjegjshëm po ndërhynin në rrjet. Gjatë kontrolleve të ushtruara u konstatuan disa ndërhyrje të paligjshme në rrjetin e marrjes dhe dërgimit të ujit të pijshëm dhe për këtë grupet e punës bënë riparimin e linjave dhe ndërprerjen e lidhjeve të paligjshme.
UKSH sqaron se çdo ndërhyrje në rrjet apo burimet e ujit është e paligjshme dhe do të ndëshkohet sipas dispozitave në fuqi të parashikuara në kodin e ujit.
Ujësjellës – Kanalizime Shkodër është e detyruar dhe e angazhuar që të furnizojë çdo banesë, biznes dhe institucion me ujë brenda parametrave higjeno- sanitar të parashikuara në ligj dhe nga shëndeti publik. UKSH do vazhdojë që të jetë prezent pranë tyre gjatë gjithë sezonit turistik por jo vetëm. Aksione të tilla do të vazhdojnë çdo ditë, në çdo pjesë të qytetit dhe në Njësitë Administrative.
Duke falenderuar banorët e Thethit për bashkëpunimin, i garantojmë se UKSH do jetë gjithnjë pranë tyre me shërbimin që meritojnë.
Puna do të vazhdojë…, perfundon deklarata per shtyp e UKSH.
