Gjatë muajve Shkurt-Mars 2022, Bashki të Forta ka zhvilluar një sondazh në 18 bashkitë që ajo kontribuon, duke matur kënaqësinë e qytetarëve me shërbimin e menaxhimit të mbetjeve.
Ajo që bie në sy është se 71% e të pyeturve janë të kënaqur me sherbimin që marrin. Kjo vlen për ata qytetarë, në ato bashki ku është zhvilluar sondazhi nga Bshki të Forta.
Sondazhi është zhvilluar në bashkitë në vijim: Shkodër, Malësi e Madhe, Vau Dejës, Puke, Fushë Arrëz, Lezhë, Perrenjas, Patos, Mirditë, Mallakastër, Lushnje, Librazhd, Kurbin, Gramsh, Fier, Belsh, Elbasan, Divjakë.
Po ashtu, bie në sy se vetëm 11% nuk paguajnë tarifën e pastrimit për bashkitë përkatëse ndërsa 89% e paguajnë tarifën e pastrimit. Nga ana tjetër, vetëm gjysma e qytetarëve të pyetur, 51% e tyre, kanë njohuri mbi çeshtjet e sherbimit të menaxhimit të mbetjeve.
Sondazhi ka treguar se faqet e internetit dhe mediat sociale, tashmë janë burim i rëndësishëm informimi për qytetarët, teksa 52% informohen nga website dhe media sociale të bashkisë. Më pas, siç është në traditën e shqiptarëve, 33% informohen nga rrethi shoqëror, 24% nga njoftimet e shpallura nga bashkitë në këndet e njoftimeve, 18% nga mediat lokale.
Pavarësisht asaj që publikohet apo deklarohet në media dhe në rrjete sociale, menaxhimi i mbetjeve nga bashkitë, është në nivele mjaft të kënaqshme. Të paktën në 18 bashki dhe sipas sondazhit të Bashki të Forta. /ShkodraWeb/