Shkrodra ka humbur sot një tjetër vlerë. Ferdinand Shllaku, një nga instrumentistët më të spikatur, fizarmoniçist virtuoz, është ndarë nga jeta. Lajmi i trishtueshëm është dhënë nga familjarët, ndërsa kanë shprehur dhimbjen e tij edhe miq, të njohur e kolegë të Ferdinandit.
Në një publikim në Facebook, të shoqëruar edhe me një foto, Mjeshtri i Madh Sandër Ruçi shkruan:
“Vazhdon e vorfnohet Shkodër Locja , lamtumirë Ferdinand Shllaku, nga e majta, Mark Kaftalli, Gani Tahiri, Kel Kaftalli, Ferdinand Shllaku, Fuat Miloti, orkestra simbol e Kafes së Madhe por artista e qytetarë simbol të Shkodres , Respekt.”.
Edhe kantautori i mirënjohur Frederik Ndoci, ka përcjellë dhimbjen e tij për humbjen e një miku, të cilin përveç disa rreshtave, e kujton edhe me një foto ku kanë dalë së bashku.
“Lamtumirë mik i dashtun! Shpirti yt pushoft në paqe. Ferdinand Shllaku e paskam ma lehtë me u përlot se me i mbaru këta rreshta të trishta. Artist me tan kuptimin e fjalës. Nuk kam si harroj korrektesën tande mirësinë e durimin tand. Ngushëllime Gjigji, ngushllime fëmijëve mbesa e nipa e tan familjarëve të tjerë. R.I.P.”.
ShkodraWeb Media i shpreh ngushëllime familjesë, të afërmëve, miqve, të njohurve e kolegëve të Ferdinand Shllakut!