Një fëmijë 4- vjeçar nga Shkodra, po kalon një moment aspak të lehtë që në vitet e para të jetës së tij. Ai është diagnostikuar me një sëmundje të rëndë, kancer. Brenda Shqipërisë, ai nuk mund të kurohet, duhet dërguar jashtë vendit.
Familja e të afërmit, e kanë të pamundur të sigurojnë 60 mijë dollarë, aq sa duhet për ti shpëtuar jetën. Por të gjithë shqiptarët, kudo që ndohen, siç kanë bërë edhe në raste të tjera, munden. Një kushëri i 4- vjeçarit, ka hapur një llogari në GoFundMe, duke kërkuar mbështetjen e shqiptarëve e jo vetëm:
“Përshëndetje, quhem Vedat Hoxhaj, jam duke mbledhur fonde për kushëririn tim, Imer Lani 4 vjeç i cili u diagnostikua me kancer. Ai është në Shqipëri dhe duhet të trajtohet jashtë vendit, por çmimi prej 60 mijë dollarësh është shumë i lartë për familjen.”, shkruhet në njoftimin e të afërmit të 4- vjeçarit.
Ata që kanë mundësi të kontribuojnë, mund ta bëjnë duke klikuar linkun më poshtë, ndërsa të tjerët mund të shpërndajënë këtë link dhe të luten për jetën e Imerit të vogël 4- vjeçar, i cili duhet ta vazhdojë jetën qe sapo e ka nisur në këtë tokë.
https://www.gofundme.com/f/save-little-imers-life-who-is-fighting-cancer
