Shkruan në Facebook Benet Beci, kryetar i Bashkisë Shkodër: Në rrugën e Dukagjinit, në segmentin Prekal- Kir, ku po realizohen punimet me objekt “Mbrojtja nga rrëshqitjet dhe rehabilitimi i veprave të artit”, duke filluar nga nesër, e enjte, datë 24. 08.2023 do të ketë ndalim të qarkullimit gjatë disa orëve të ditës, me qëllim sigurinë e kalimtarëve dhe mbarëvajtjen e punimeve.
Do të ndalohet qarkullimi i mjeteve në oraret 8.00 – 12.00 dhe 13.00 – 16.00. Ndalimi i lëvizjes së mjeteve në këto orare do të vijojë deri në përfundimin e punimeve sipas kontratës.
Nga operatori sipërmarrës do të merren masat e duhura për sigurimin e kalueshmërisë së mjeteve në oraret e lejuara 12.00 – 13.00 dhe 16.00 – 08.00.
Nga të gjithë drejtuesit e mjeteve kërkohet respektimi i orareve të qarkullimit në këtë segment rrugor, ku po vendoset edhe sinjalistika përkatëse. Faleminderit!
