![](https://www.shkodraweb.com/wp-content/uploads/2018/09/bylykbashi.jpg?x28643)
Përfaqësuesi i Partisë Demokratike në Këshillin Politik Oerd Bylykbashi thotë se PS po dëmton konsensusin.
Në një dalje për mediat, para nisjes së mbledhjes së Këshillit, Bylykbashi tha se ky qëndrim i PS, duke mos i dërguar kërkesën ODIHR rrezikon edhe hapjen e negociatave.
“Ka më shumë se dy javë që opozita ka kërkuar si pikë të parë të rendit të ditës që ti drejtohemi ODIHR për çështjen e garimit të lirë të partive politike në koalicion sic janë sot.
Ka më shumë se dy javë PS refuzon ti dërgojë kërkesën ODIHR që është shkelje e 14 janarit. Me këtë veprim PS po pengon këshillin politik, nëse vazhdon më ketë rrugë dëmtohet konsensusi dhe vihet në rrezik hapja e negociatave”, u shpreh Oerd Bylykbashi.