Gjykata ka lënë në fuqi masën e sigurisë arrest shtëpie për gjyqtaren Mimoza Margjeka. Në përfundim të vendimit, gjyqtarja e irrituar u përplas edhe me efektivët e policisë, të cilët e shoqëronin. Margjeka tha se nuk ka lidhje me akuzat që i janë bërë, madje kërkoi që të ishte e pranishme edhe media.
Sipas saj, procesi është politik, pasi refuzoi ti jepte mandatin kryebashkiakes së Durrësit, Valbona Sako.
“Mos më prek. Nuk ju heq kush nga puna. Nuk bëhet shteti me kriminelë. Nuk ka asnjë provë. Gjyqtarët janë frikësuar”, tha gjyqtarja.
Teksa pengohej nga policia të fliste, ajo e irrituar tha: “Mos më prek moj zonjë”.
Margjeka: Keni thënë gjëra të pavërteta. Nuk ka asnjë provë. Është përgatitje. Unë kërkova seancën publike. Ky shtet nuk bëhet më. Guxoni ti dilni përballë shtetit, harrojeni. Kush i ka dalë është futur në burg. Nuk ka asnjë provë. E kam dosjen këtu. E kanë bërë gjyqin të fshehtë. I dola përballë.
Policia: Vazhdo
Margjeka: Lërmë të flas. Mos më prek. Nuk i dhashë mandatin Bashkisë Durrës. Le të varroset familja ime. Nuk e meritonin.
Çfarë tha avokati?
E kërkoi praninë e mediave. Nuk ka asnjë material sekret. Kjo çështje në aspektin e ecurisë ka përfunduar se nuk ka prova të tjera më. Ne pretendojmë që nuk ka asnjë provë që të pr0vojë që Arben Cara ka bashkëpunuar me bashkëshorten për të kryer veprën penale.
