Greqia ka vendosur që të zgjasë masat kufizuese për parandalimin e përhapjes së koronavirusit edhe me 12 ditë të tjera. Mediat në shtetin fqinj raportojnë se nuk do të lejohet hyrja e qytetarëve në territorin grek nëpërmjet pikave kufitare.
kufiriKjo masë duket se prek edhe Shqipërinë, teksa do të vijojë rregulli i mëparshëm me 300 qytetarë që lejohen të kalojnë nga Kapshtica brenda 24 orëve dhe 750 nga Kakavija, me test negativ PCR për COVID-19, vërtetim të përkthyer dhe formularin PFL grek.
Po kush lejohet të hyjë në Greqi?
-Personat të cilëve i ka rezultuar tamponi negativ.
-Shtetasit grekë, mbajtësit e lejeve të qëndrimit, personat që kanë qëndrimin e tyre kryesor në Greqi, si dhe personat që hyjnë në vend për udhëtimet profesionale dhe mjekësore të domosdoshme.
-Mbajtësit e një karte speciale identiteti për mërgimtarët mund të hyjnë në vend përmes pikave kufitare të Kakvijë dhe Krystallopigi në Kapshticë.
Kalim kamionëve
Kalimi i kamionëve për transportin e mallrave është i mundur përmes pikave kufitare të Promachonas, Kakavia, Krystallopigi, Evzoni, Nymfaia, Ormeni, Kipi dhe Exochi, pa qenë e nevojshme të përmbushen kushtet e mësipërme.
Udhëtarëve për në Greqi përmes lidhjeve tokësore, pavarësisht nga kombësia, u kërkohet të plotësojnë formularin online PLF.
