Kryeministri Edi Rama i ka mbyllur derën për kandidatë të gjithë atyre së janë larguar si pasojë e dekriminalizimit. Kreu i qeverisë tha se PS nuk i jep asnjë shans askujt që ka gënjyer.
“Kemi folur për të vijuar menjëherë organizimin. Do jemi pjesë do të paraqesim kandidatët. Nuk mendoj mendoj se do të kemi deputet për kandidat për kryetar bashkie.
Shanset e dyta jepen në marrëdhënie individuale, shanset e dyta mund t’i japim njëri tjetrit nëse jemi miq. Shanset e dyta i jep Zoti, PS nuk i jep shans askujt që e ka gënjyer për një aspekt të jetës së tyre apo veprimtarinë e tyre.”, tha Rama.
Një ditë më parë, Valdrin Pjetri tha se do të mirëpriste një shans të dytë për të kandiduar për Bashkinë e Shkodrës me 6 mars 2022 në zgjedhjet vendore të pjesshme. I vetëm në garë me 30 qershor 2019, Pjetri u shpall fitues por u detyrua të dorëhiqej pa marrë mandatin për shkak të mosdeklarimit të një dënimi në Itali në rininë e hershme.
