Pas ministrit të brendshëm Sandër Lleshaj, ka ardhur edhe reagimi i kryeministrit Edi Rama për protestën e opozitës. Shefi i qeverisë ka reaguar me një postim në Twitter, duke folur mbi lajmet e përhapura për punonjëes policie të lënduar në protestë. Rama ka folur edhe për dy partitë kryesore të opozitës, sipas të cilit po marrshojnë në rrugën e vetëshkatërrimit. Njëkohësisht, ai ka shprehur keqardhje për punonjësit e policisë që kanë mbetur të lënduar. Më poshtë, postimi i plotë i Edi Ramës.
“Solidaritet me çdo punonjës policie që në ditë si kjo, duhet të përballet me ekseset fizike të një politike të dëshpëruar, pa kokë, pa drejtim, pa të nesërme! Keqardhje për policët e plagosur nga goditjet qorre të dy partive të verbuara, që marshojnë në rrugën e vetëshkatërrimit.”.
“Edhe sot dhuna e verbër po godet institucione kushtetuese dhe Policinë e Shtetit shqiptar. Plagosja e policëve është një turp dhe shkelje e madhe e ligjit dhe autorët do të mbajnë përgjegjësi”, u shpreh më herët ministri i brendshëm Lleshaj.
