Probleme tek Vllaznia, debati ne mes drejtorit Zeka dhe trainerit Dani- ky i fundit drejt largimit…

Një debat i panevojshëm në stërvitje në mes drejtorit sportive të klubit Vllaznia Eugent Zeka dhe trajnerit të portierëve Avenir Dani, është shoqëruar me braktisjen e procesit stërvitor nga ky I fundit. U mendua se ky debat do të mbetej me kaq por në fakt nuk ka ndodhur kështu. Dani që prej dy ditësh nuk është paraqitur në stërvitje dhe gjasat janë që ai të largohet përfundimisht nga kjo detyrë. Megjithatë drejtuesit e klubit presin që ai të paraqesë dorëheqjen nga ky post.

Gjithçka ka lindur në një mënyrë të panevojshme dhe nuk bëhet fjalë për çështjen e portierit 16 vjeçar Shkoza, por për një mungesë komunikimi në mes tyre dhe për këtë arsye, gjërat që në fillim u duk se do të mbylleshin me aq, duket do të agravojë edhe më tej. Trajneri I portierëve të Vllaznisë Avenir Dani mesa duket e ka marrë seriozisht tërheqjen nga puna e bërë prej një viti e gjysëm sëbashku me trajnerin Cungu. Mungesa e tij në stërvitje të lë të kuptosh se ai ka vërtetë ndër mend të tërhiqet.

Natyrisht që Vllaznia nuk do të mbesë pa trajner portierësh sepse dikush do ta zëvendësojë por këto debatet që lindin, krijojnë një klimë aspak positive pikërisht pak ditë përpara nisjes së kampionatit. Vllaznia pritet të shpallë objektivin e saj për sezonin e ri futbollistik por ndërkohë këto debate padyshim që do të ndikojnë tek ecuria e saj. /rozafa.tv/