Vila e Zogut në Shirokë do të jetë nën administrimin e BSPSH- së. Pas disa viteve ecejake, duket se çeshtja e kontestuar mes BSPSH- së dhe Familjes Mbretërore Shqiptare është zgjidhur në favor të sindikatës. Të paktën këtë pohon në rrjete sociale, Arjola Alika, avokate.
“Fitore e BSPSH per gjyqin për Kampin e Shirokës kundër princit Leka Zogut II. Pas shume vitesh ne proces gjyqesor , me ne fund Gjykata Shkoder jep drejtësinë per Kampin Shirokë, ne favor të BSPSH.
Vendimarrje korrekte dhe shumë profesionale nga Gjykata Shkoder!! Faleminderit BSPSH për besimin për ndjekjen e këtij procesi kaq të vështirë!”, shkruan avokatja.
Kontestuar si pronë në mes Familjes Mbretërore dhe BSPSH- së, të cilat para disa viteve e dhanë në përdorim tek një investitor privat, shumë shpejt Vila e Zogut mund të gëzojë statusin “monument kulture”. Kjo falë inicitaivës së DRTK- së Shkodër, e cila para rreth 3 muajve, nisi procesin, shkruan ShkodraWeb.
