Disa ditë më parë një turiste ruse ndërroi jetë teksa po pushonte në një prej plazheve të Sarandës dhe më konkretisht, në Ksamil. Dyshimet e para janë se vajzës i ka kaluar sipër një motor uji, ndoshta një jetski apo skaf dhe e ka prerë, duke i shkaktuar kështu vdekjen e menjëhershme.
Edhe pse një tragjedi e vërtetë ka ndodhur, duket se askush nuk shqetësohet për të ndaluar këtë fenomen. Madje, një pushues në plazhin e Durrësit e më konkretisht në sektorin Rinia, tregon se si skafi lëviz me shpejtësi të madhe shumë pranë kokave të fëmijëve.
Ne na rrezikohet çdo ditë jeta. Ky vend ka marrë fund, shikoni se ç’bëjnë mes kalamajve”, – thotë ai.
Ndërkohë që një tjetër pushues nga Ksamili e më konkretisht, nga Tre Ishujt, nuk kursehet të tregojë se policia rri në breg të detit dhe nuk mund të bëjë asnjë gjë për të ndaluar turistët që “fluturojnë” me mjetet e tyre në ujë.
