Nga Bledi MANE
Ka filluar një garë e fortë mes dy deteve që na lagin këmbët e na freskojnë kokën. Një garë e fortë që deri më tani nuk e ka të parashikuar fundin. Adriatiku nga Velipoja deri poshtë në Vlorë, po luan një fataliste loje me detin Jon deri tej Ksamilit.
Përpin jetë njerezish Joni, hakmerret Adriatiku.
Barazojnë kobshëm rezultatin e asnjë prej tyre nuk ndjehet i kënaqur. Dallgëzon Joni dhe mbyt një tjetër jete, versulet Adriatiku plot hakmarrje.
As i pari dhe as i dyti det nuk pyesin për gjini apo nacionalitet pushuesish. Turfullojnë aq keq sa edhe mortja nëpër provincat meksikane do ua kishte zilinë. Nuk shkon dot rrobi të notojë nëpër detet e atdheut te tij se nuk ka më zhurme dallgesh, dëgjon vetëm klithmat dhe ofshamat e vdekjes kriposur me shijen e ujit blu:
-Ndihmëëëë, po mbytem! Ndihmëëëë, po iki nga kjo jete…
Dhe deti vazhdon mynxyren, njerëzia vazhdon të pijë shampanjën!
Sot vdiq dhe një adoleshente ne Ksamil, vdiq mes kaltërsisë mesdhetare por duhma e zezë e sherreve nuk lëvizi fare prej ndjesisë së kobit.
E ka fajin ministria, ulëret bashkia!
Bashkia fajtore, reagon si llagem nevojtore ministria!
Policia nuk ka mjete, mbron veten policia!
Ndjehemi të braktisur, klith njerëzia!
U hengert kanceri e u rëntë zalia!
Mallkon opozita, faj ka qeveria!
Por sharjet dhe kopillliku në derë nuk nxisin asnjë institucion ti bëjnë thirrje njëri-tjetrit e të ulen e të flasin e të ndajnë përgjegjesitë. Në fakt duhet të uleshin qysh muaj më pare, para se të fillonte sezoni turistik veror por askush nuk e kishte mendjen te vdekjet, të gjithë llogarisnin hapje-mbyllje cadrash, kalkulime votash, lista deputetesh, blerje-vjedhje votash…
Ndaj mos e vini ujin në zjarr pse cdo ditë mbyten fëmijë e gra e burra por thjesht pyesni ky i fundit që u mbyt sot, për kë votoi ne qershor?
Nje socialist me pak, nje leseist me pak, nje demokrat me pak. Gezohuni se kundershtarit po i tkurren militantet, me pak jetë më shumë ymër për ju ne pushtet.
***
-Kamarier, sa kushton ky shezllongu?
-30 euro zoteri!
-Të ta paguaj paradhënie se do shkoj të lahem e nëse mbytem dua të jem në rregull me ju. Nuk dua që kur të kërkoj ndihmë në mes të detit të më thonë, lëre të mbytet shkërdhata se nuk pagoi faturën!
-Ne shërbejmë pa fature!-ia kthen kamarieri
