Ka disa gjera qe jane te shenjta. Pa qene te adhuruara ne emer te nje besimi fetar. Simbolet e nje kombi jane te tilla. Nuk vlen vetem per Shqiperine por per te gjitha vendet qe termin “komb” duan ta forcojne. Te pakten qe nga Rilindja (e vertete) dhe deri ne 1990, Gjergj Kastrioti ka qene i pakontestuar asnjehere. Madje, qe nga qeveria e pare e Pavaresise ne 1912 e deri ne 1990 ka patur pozicionin e respektuar dhe unikal te “Heroit kombetar” te shqiptareve, ketej e andej kufirit, aty ku jetojne e punojne bashkekombasit tane. Madje edhe Diktatura komuniste qe glorifikonte per te gjalli Enver Hoxhen, nuk guxoi t’ja hiqte titullin “Hero kombetar”. Asnjehere nuk u vu ne dyshim jo vetem ekzistenca e bemave por edhe perkatesia e paster etnike shqiptare.
Pas 1990, ne emer te lirise se mendimit dhe shprehjes, po cenohet cdo simbol. Prej disa kohesh, edhe Gjergj Kastrioti- Skenderbeu. Une besoj se nuk eshte e rastesishme as perzgjedhja e simbolit por as edhe koha per ta sulmuar ate. Me dy fjale, po tentohet qe Skenderbeu te ndaje nje pjese te genit te tij me sllavet. Kjo, nisur nga origjina e nenes se tij. Ne fakt, ky eshte e duhet te ishte nje debat ne mes historianesh. Por perseri, jo ne mes atyre shqiptare. Faktet historike, interpretimi i tyre ne disfavor te nje figure te heroit kombetar te nje vendi nga bashkekombas te tij, eshte thuajse e paprecedente. Edhe nese dikush nga jashte Shqiptarizmes do te bente dick ate tille, nga brenda reagimi duhej te ishte shume i forte e kundershtues. Fillimisht, ne emer te nje levizje te pashpallur ne Ballkan, “Neo- otomanizmi” i ushqyer sidomos gjate viteve te pushtetit te Erdogan ne Turqi, u tentua te zbehej figura e Skenderbeut. U arrit deri aty sa te mos konsiderohej si simbol unifikues i shqiptareve duke perdorur si baze edhe titullin “Atlet i Krishtit” qe iu akordua nga Papa i kohes kur ai jetoi. Ne disa raste eshte konsideruar edhe “kriminel” sepse ka vrare qindra, mijera pushtues turq. Sipas gjasave, nje tentative e tille nuk pati sukses dhe prej disa kohesh, nuk po artikulohet me.
Tani po “luftohet” qe Skenderbeu te jete edhe pak “sllav”, te pakten nga krahu i te emes. Nuk dua te futem as ne interpretimin historic dhe as ne ate genetik- ngjizja e nje femije nga dy prinder me prejardhje te ndryshme dhe cilat gene ka marre ai pas lindjes. Eshte e tepert, nisur edhe nga bindja ime se Skenderbeu eshte i paprekshem, i pakontestueshem. Prej disa kohesh po flitet per rritje te ndikimit rus ne Ballkan, normalisht edhe ne Shqiperia. Kjo, vecanarisht vitet e fundit te rikthimit serish si president i Rusise se Vladimir Putin. Nuk eshte me hamendesim, por dicka e pranuar edhe nga sherbimet inteligjente te vendeve perendimore. Rasti me flagrant eshte ai i Malit te Zi i para disa koheve por edhe sjellja e Rusise ndaj Serbise: tashme pohohet nga nivele te larta diplomatike te Kremlinit se do ti dhurohet nje sistem raketor. Por edhe ne Shqiperi eshte krejtesisht e besueshme se ndikimi rus do te gjeje mbeshtetes. E kur keta jane te gatshem, atehere gjithcka nis nga sulmi ndaj simboleve kombetare, i pari ne liste eshte Skenderbeu. Per te realizuar qellimin, zgjidhen individe me audience ne larte dhe me qasje te larte mediatike. Cdo gje tjeter, eshte e qarte.
