Në një intervistë ekskluzive për TV21 Maqedoni në emisionin ClickPlus, presidenti i Shqipërisë, Ilir Meta komentoi edhe zhvillimet e fundit në Partinë Demokratike.
Meta në ClickPlus në TV21 tha Lulzim Bashës i takon përgjegjësia për dështimet e opozitës.
“Përgjegjësia ekskluzive për dështimet e opozitës i takon Lulzim Bashës”, tha mes tjerash presidenti i Shqipërisë, Ilir Meta në emisionin ClickPlus në TV21.
Kujtojmë se të shtunën ish-kryeministri i Shqipërisë, Sali Berisha protestoi përpara selisë blu duke kërkuar largimin e Lulzim Bashës nga zyrat e Partisë Demokratike.
Presidenti Meta: Asnjë demokrat nuk i meritonte ngjarjet e 8 janarit. Kur një kryetar kontestohet, ai duhet t’i nënshtrohet një procesi votëbesimi. Duhet të tregojë apo të konfirmojë legjitimitetin e tij.
Për fat të keq, prej kohësh kërkohet një konfrontim artificial dhe i përgjakshëm.
Sot kemi disa deputetë të vërtetë opozitarë, zëri i të cilëve do të dëgjohet akoma dhe më shumë dhe Shqipëria do të ketë zhvillimet e saj pozitive demokratike pa asnjë diskutim.
“Udhëheqja e opozitës” po provokon një tension dhe pretendon në forma policore të imponojë një autoritet që nuk e ka. Sepse *në demokraci autoriteti fitohet me votë. Konfirmohet me votë. Nuk fitohet me polici. Fitohet me procedura. Cdo krizë politike ka vetëm zgjidhje politike. Zgjidhja është vota.
