“Para një viti u merrte lekë kandidatëve për ti kandiduar”, Ndoka akuzon Bashën, tregon emrin e deputetit që pagoi 200 mijë…

Nard Ndoka ka treguar se askush nuk dëshiron të garoj nën logon e PD-së së Lulzim Bashës. Ai është shprehur se para një viti Lulzim Basha të gjitha këndidatëve që i vendoste për të kandiduar u kërkonte lekë, kurse tashmë ai u ofron lekë dhe askush nuk pranon të marrë pjesë në garë.

Sipas Ndokës, kjo tregon se brenda Partisë Demokratike është një gjendje shumë e rëndë dhe në pamundësi për të përzgjedhur kandidatë në zgjedhjet e 6 marsit.


“Të jemi të qartë. Nëse para një viti Lulzim Brava u merrte lekë kandidatëve për t’i kandiduar, tani po i jep lekë që të qëndrojnë në garë dhe asnjë nuk merr përsipër të garoj në sfidën e Lulzim Bravës.

Këtë e them në aspektin e një realiteti kolektiv. Partia që ka mbajtur peng Lulzim Basha është në pamundësi për të përzgjedhur kandidatë”- tha Nard Ndoka

Për vite me radhë në fakt, ka pasur akuza se Lulzim Basha iu merrte para kandidatëve që i bënte deputetë. Agron Shehaj për shëmbull, thuhet se ka paguar plot 200 mijë euro tek kunati i Lulzim Bashës, për t’u bërë deputet.

Ndaj dhe sot, ai është kthyer në kundërshtarin më të egër të Bashës.”, ka thënë Ndoka.