Cindy Marina ka rrëfyer momentet e njohjes me partnerin e saj Genar Topalli. Modelja zbuloi se janë takuar për herë të parë në plazh dhe kështu nisi romanca e tyre, ndërsa theksoi se me nënën e tij, politikanen Jozefina Topalli e ka njohur më parë dhe ky ishte fat për të.
“Genari ka shumë gjëra që më pëlqejnë tek ai, është shumë i sinqertë, shumë i zgjuar, kemi shumë për çfarë të flasim, shumë i dashur, ka shumë karakteristika që i vlerësoj tek ai.
Kisha fatin që Jozefinën e kisha takuar shumë më para se sa Genarin, jemi njohur familjarisht. Nuk po ndryshonte diçka, që po shkoja për herë të parë ta takoja pasi isha lidhur. Më kanë pritur shumë mirë”, tha ajo në një intervistë në “Natë me Aulonën.”
Ajo rrëfeu momentin kur i tha familjarëve se ishte lidhur me Genarin, duke treguar se me vëllain e saj të vogël shkojnë shumë mirë bashkë.
“Nuk kanë pasur ndonjë mendim, në fillim iu thashë jam lidhur. Vëllai i madh është më i qetë, më pyeste si është, çfarë bën pyetje normale. Vëllai i vogël ishte pak më ndryshe ou “kush është ky?”, në fakt vëllai i vogël e ka takuar dhe kanë shkuar shumë mirë bashkë, ia ka mbushur mendjen Genari. Shkojnë shumë mirë të dy me Genarin dhe ia ka dhënë aprovimin. E ka kaluar testin e madh besoj, jemi njohur para 2 vitesh në plazh dhe kemi qëndruar bashkë”, rrëfeu Cindy.
Sa i përket planeve për dasmë dhe të ardhmes së saj mes SHBA-ve dhe Shqipërisë, u përgjigj: “Jo akoma jo, s’kemi plane për dasmë. Unë mendoj që dua diçka më intime, familja e shoqëria. Kemi kohë dhe mund të ndryshojë plani. Ekziston mundësia për tu rikthyer më në Amerikë, është shtëpia ime, jam lindur e rritur aty. Shqipëria më pëlqen dhe më ka dhënë mundësi, s’dihet se çfarë do ndodhë”.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
