1. Kryeakademiku ka dalë në TV të japë leksione gjuhësie. Mos u habisni, gjuhësie po po!
Me frymëzim krejt sovjet, një ish-matematicien dhe një enverist i përhershëm (enverizëm të cilin ia pohuan në sy) po na tregon ne gjuhëtarëve punën tonë. Të flasë Kryesarkazma për Gjuhësinë është si të flasë Caruana për Kryesarkazmën.
2. Dhe ç’ punë duhet të bëjmë ne sipas tij? Ja dëgjoni!
Kryekadem-iku sapo i “urdhëroi” gjuhëtarët të bëjnë një Ligj për Mbrojtjen e Gjuhës. Që ta dini, ky Ligj dënon e mbush në gjoba përdoruesit e gjuhës dhe Enveri do t’i ëndërronte këto dënime. Por ëndrrat ia plotëson plotësi i tij, Gjinushi. Veç një model të tillë absurd njohu bota, rastin e viteve ’90 në Francë, me minstrin Toubon, i cili dekretoi një ligj si ky që urdhëron Gjinushi dhe shumë shpejt u detyrua ta tërhiqte ngaqë Europa (edhe ajo e Dijes edhe ajo e Ligjeve) e akuzuan për fashizëm.
Ndaj duhet ta ndajë mendjen tifozi i Caruanas: don të mbetet enverist? Apo don të konvertohet në fashist? Se bashkë nuk rrinë dot. Po pres kur do dalë të flasë për Shqipen Gjuhë Kozmike tani, mqs sallat e Akademizmës i ka dhënë me qera për të tilla tubime “shkencore” pellazge. Ku i dihet, mbase ia ndrron mendjen Caruanas të thotë edhe ai ndonjë fjalë pellazgjisht që të na e citojë mandej nëpër fjalime ky Kryeakadem-ik. /Nga Ledi SHAMKU SHKRELI, publikuar në Facebook/
