Nuk jam kundër votës së emigrantëve në princip, përkundrazi, por shoh disa probleme në kontekstin shqiptar! Të votuarit është një ndër pjesëmarrjet më aktive e të dobishme në politikë, por kjo pjesëmarrje nuk besoj se duhet të jetë pa një përfshirje direkte në jetën e përditshme të një vendi për të kuptuar dinamikat e menaxhimit politik të vendi!
Përfytyroj një emigrant që ka ikur në Itali në ‘91-n! Ka krijuar një jetë të re prej 33 vitesh dhe punon e jeton në bashkinë ku është banor dhe nuk e di se si mund ta përceptoj dobinë e votës së tij! Nga ana tjetër rasti i Shqipërisë është krejt “sui generis” pasi kemi thuajse gjysmën e votuesve potencialë jashtë vendit!
Pra një përfaqësues nga diaspora që ka pasion politikën dhe kërkon futjen në Kuvend në Shqipëri, nuk mund ta ushtrojë këtë gjë vetëm duke votuar prej vendit ku jeton, është i domosdoshëm kthimi e përjetimi i dinamikave të politikës këtu!
Sot, nuk e shikoj të pamundur ardhjen posaçerisht për të votuar në Shqipëri të paktën për emigrantët në Europë. Ardhja do të dëshmonte edhe një përkushtim konkret për fatin e vendit!
Votimi për diasporën, ndoshta do ishte i dobishëm për rezidentët e përkohshëm dhe punonjësit stinorë atje të cilët nuk e kanë shkëputur lidhjen në Shqipërinë! /Nga Albert NIKOLLA, publikuar në Facebook/
