Ndërroi jetë pas 25 viteve sherbim në M. Madhe, mjekët vlerësim dhe dhimbje për mjeken 48 vjeçare…

Është ndarë nga jeta në moshë shumë të re mjekja Majlinda Helmi Dokaj. Lajmi është dhënë nga kolegët e saj, të cilët përmes një publikimi në rrjete sociale, shprehin vlerësimin por edhe dhimbjen për mjeken që u nda nga jeta në moshë shumë të re, vetëm 48 vjeçare.


Edhe pse e lindur në Divjakë, ajo sherbeu nga viti 1995 në Malësinë e Madhe, nga viti i largët 1995, kryesisht në Kastrat e më pas si mjeke familje. Ajo ishte bashkëshorte e një tjetër mjeku të njohur, Agim Dokaj. Ajo la pas edhe një vajzë, Lorenën. Më poshtë, dedikimi i kolegëve për mjeken Majlinda Helmi Dokaj.

Tepër e dhimbshme humbja e koleges Majlinda Helmi Dokaj, lindur më 13.04.1972 në qytetin e Divjakës.

Dr. Majlinda ka pasur një karrierë të spikatur në sistemin tonë shëndetësor, duke u emëruar në punë për herë të parë më 10. 08. 1995 e më pas duke vijuar si mjeke e përgjithshme në Qendrën Shëndetësore, Kastrat (1995-2007), Drejtoreshë e Qendrës Shëndetësore Kastrat (2007- 2013) dhe në vazhdim, mjeke familje (2013- 2020).

Ajo i shërbeu profesionit të mjekut dhe pacientëve të saj gjatë gjithë jetës, si edhe në këtë kohë të vështirë pandemie, edhe pse në gjendje jo të mirë shëndetësore.

Mbështet ShkodraWeb Media

Dr. Majlinda do të mbetet një shembulli i profesionistes së përkushtuar, të dashur e të vlerësuar nga kolegët dhe pacientët e saj, të cilëve u sherbeu me dinjitet e profesionalizëm.

Vleresojmë lart kontributin e Dr.Dokaj dhe shprehim ngushëllimet më të sinqerta për familjen, bashkeshortin e saj, Dr Agimin, vajzën e saj, Lorenën, si dhe për të afërm, miq e kolegë.

U prehsh në paqe !

Operatori i Shërbimeve të Kujdesit Shëndetësor , Shkodër

Dr.Astrit Beci.

ShkodraWeb Media i shpreh ngushëllime bashkëshortit, Dr. Agimit, vajzës Lorena, familjarëve, të afërmëve, kolegëve, miqve e të njohurve të Dr. Majlindës që u nda nga jeta shumë para kohe. /ShkodraWeb Media/

ShkodraWeb Media 2017 – 2020 © TË GJITHA MATERIALET NË KËTË FAQE MUND TË PËRDOREN LIRISHT NGA INDIVIDË E MEDIA, DUKE CITUAR NGA JANË MARRË. FALEMINDERIT!

ShkodraWeb Channel
ShkodraWeb Marketing