Para pak minutave është raportuar për të shtëna në Luarz të Velipojës. Forca të shumta policie ndodhen në vendngjarje por deri tani nuk raportohet për të lënduar apo dëmtime.
Policia ka rrethuar të gjithë zonën dhe dyshon se aty ka pasur një përplasje me kallash mes disa personash. Këta të fundit kanë shtënë ndaj njëri-tjetrit me automatik, referuar edhe gëzhojave të gjetura në vendngjarje.
Po ashtu bëhet me dije se policia mund të ketë rrethuar personat që kanë patur përplasjen mes tyre, por detaje të reja për ngjarjen pritet të mësohen nga momenti në moment.
