Ditët e fundit Tirana është mbushur nga letra në formë mesazhi që qytetarët po gjejnë në dyert e shtëpive të tyre. Nuk bëhet fjalë për faturat e energjisë elektrike, apo të ujit, i cili është shtrenjtuar, por për një letër falenderimi. Ai që e shkruan është pikërisht kryetari i bashkisë, Erion Veliaj, i cili falenderon qytetarët që votuan Partinë Socialiste në zgjedhjet e 25 qershorit. Në format, letra është e ngjashme me atë që bënte thirrje për votimin e PS-së para se të vinte dita e votimit, por ajo që bën diferencën, janë gabimet ortografike. Është për të ardhur keq se si kryebashkiaku mundohet të bëjë një punë të mirë, me gjithë stafin që ka, por nuk ia del dot as për të përfunduar saktë dy rreshta. /JOQ.AL/