Lajmi i mire i kryeministrit Rama per Shkodren: Do ndertojme rrugen Shengjin- Velipoje

Shëngjini dhe Velipoja do lidhen së shpejti përmes një aksi të ri rrugor i cili pritet të ndërtohet përgjatë bregdetit. Premtimin e bëri kryeministri Edi Rama nga Lezha ku zhvilloi një dëgjesë publike me banorët dhe autoritetet lokale për buxhetin e vitit 2018. Dy nga zonat më të frekuentuara vitet e fundit nga turistët vendas dhe të huaj do të lidhen me një segment rrugor krejtësisht të ri, i cili do shmangë udhëtimin e gjatë nga Shëngjini përmes Lezhës për të mbërritur në Velipojë dhe anasjelltas.

“Ne po dalim nga një situatë dramatike lidhur me investimet ku përveçse lamë një mal me borxhe, trashëguam një numër kontratash të shkruara keq. Do vazhdojmë të mbyllim një pjesë të këtyre kontratave dhe njëkohësisht do fillojmë disa vepra që janë shumë të rëndësishme. Do fillojë puna për rrugën që lidh Shëngjinin me Velipojën e cila do ketë rritje të turizmit, do jetë një rrugë strategjikle që i ka ardhur koha të bëhet. Jemi duke punuar prej kohësh për këtë projekt dhe jemi duke punuar për financimin e saj”, tha Rama.